बुटवलमा 15 फुट सर्प पायो

विश्वमा दुर्लभ प्रजातीमा पर्ने राज गोमन सर्प बुटवलमा भेटिएको छ । यो सर्पहरुको राजा मानिन्छ । सोमबार सामाजिक संन्जालमा सर्पसहित फोटाहरु देखेपछि पछ्याउदै जादा बुटवलको मनकामना मन्दिर उत्तरतर्फ सडक छेउमा मृत अवस्थामा सर्प भेटिएको सर्प अनुसन्धानकर्ता कमल देवकोटाले बताए ।

स्थानियका अनुसार आईतबार सोही जंगलको उत्तरतर्फ केही युवाहरुले सो सर्प भेटाएको र मारेर फयाकेका हुन । लामो र डरलाग्दो सर्प देखेर सर्पलाई मारेको हुनसक्ने स्थानिय बताउँछन । सर्पलाई तिलोत्तमास्थित शंकरनगर बनबाटिका तथा अनुसन्धान केन्द्रमा लगेर थप अध्ययन भएको देवकोटाले बताए ।